Pricer á sínum stað í nýrri Elko Smáralind

Elko hefur opnað nýja og glæsilega verslun í Smáralind þar sem lögð er áhersla á framúrskarandi verslunarupplifun, skýra framsetningu og nútímalegar lausnir. Við hjá Edico erum sérstaklega stolt af því að verslunin er búin rafrænum verðmiðum frá Pricer sem tryggja nákvæmar og uppfærðar verðupplýsingar um alla verslun.

Í tilefni opnunarinnar býður Elko upp á fjölmörg glæsileg opnunartilboð. Þar koma Pricer verðmiðarnir sér einstaklega vel, þar sem þeir geta birt bæði upprunalegt verð og afsláttarverð á skýran og aðgengilegan hátt. Viðskiptavinir sjá því strax hver sparnaðurinn er án þess að starfsfólk þurfi að skipta út pappírsmerkingum eða sinna handvirkum uppfærslum.

Rafrænu verðmiðarnir frá Pricer gera verðbreytingar einfaldar, hraðar og áreiðanlegar. Allar uppfærslur fara fram sjálfvirkt úr kerfum verslunarinnar, sem sparar tíma, dregur úr villum og tryggir samræmi milli hilluverðs og kassaverðs.

Auk Pricer verðmerkinganna nýtir Elko Smáralind einnig V-Count gestateljaralausn frá Edico. Lausnin veitir nákvæma yfirsýn yfir fjölda gesta sem heimsækja verslunina og gerir stjórnendum kleift að bera gestafjölda saman við sölu, veður, markaðsherferðir og aðra lykilmælikvarða. Þannig fæst betri innsýn í hegðun viðskiptavina og árangur verslunarinnar.

Við óskum Elko innilega til hamingju með nýju verslunina og hlökkum til áframhaldandi samstarfs við að þróa snjallar og skilvirkar lausnir.