Ný og glæsileg verslun Ormsson á Akureyri

Ormsson opnaði á dögunum nýja verslun á Akureyri og má með sanni segja að þar hafi verið um glæsilega viðbót að ræða í verslunarlífi bæjarins. Verslunin er rúmgóð, nútímaleg og vel hönnuð – og ekki stóð á prýðinni, eins og sjá má á meðfylgjandi myndum.

Í tengslum við opnunina fékk Ormsson okkur hjá Edico til að sjá um alla uppsetningu á verðmerkingum í versluninni. Samstarfið reyndist sérlega farsælt, að sögn Jóns Inga Einarssonar hjá Ormsson:

„Við hjá Ormsson fengum Edico til að sjá um alla uppsetningu á verðmerkingum í nýju versluninni okkar á Akureyri. Allt frá upphafi til enda var ferlið faglegt og skilvirkt – upplýsingagjöf, eftirfylgni og framvinda stóðust allar okkar væntingar. Það er ánægjulegt að vinna með aðila sem sýnir svona mikla fagmennsku og sérþekkingu. Við getum svo sannarlega mælt með Edico, fyrir fyrirtæki sem vilja faglega og flotta þjónustu,“

Jón Ingi Einarsson, Ormsson

Með þessari nýju verslun eflir Ormsson þjónustu sína við viðskiptavini á Norðurlandi og undirstrikar jafnframt áframhaldandi vöxt og metnað fyrirtækisins.